Vivenda de Uso Turístico Adinés, é un conxunto de inmobles destinados ao turismo que debe o seu nome á avoa Inés. Dona dun pequeno supermercado situado na planta baixa dun dos inmobles, Inés era moi querida no barrio e coñecida por todos. A xente, cando ía á súa tenda, utilizaba a expresión “imos a Inés”, referencia que tomamos para bautizar este proxecto turístico en homenaxe á súa memoria.
O conxunto de inmobles está formado por dous pisos e un pequeno piso situados na localidade da Estrada, así como por unha vivenda situada na costa de Vilanova de Arousa.
As plantas corresponden a un 3o e 4o andar e o piso á planta baixa dun edificio familiar. Este está situado no centro da vila da Estrada. Todas as casas son amplas e luminosas, e están equipadas con todas as comodidades para garantir unha estancia agradable. Así mesmo, nas inmediacións do edificio atópanse todos os servizos básicos, como son: supermercados, farmacias, restaurantes… Aínda que as vivendas están situadas no núcleo urbano, a contorna do edificio é tranquila e sosegada, e permite gozar marabillosas vistas do val e do cumio do Pico Sacro. Ademais, é unha zona moi ben comunicada, xa que é posible chegar en pouco tempo a algúns dos puntos máis turísticos de Galicia, como a cidade de Santiago de Compostela, a tan só 25 minutos en coche, ou as cidades de A Coruña, Vigo e Pontevedra a unha hora. Así mesmo, a costa está a 40 minutos en coche, onde se pode gozar das marabillosas praias das Rías Baixas.
A casa atópase no singular entorno de Vilanova de Arousa, caracterizado polo contraste entre o bullicio do casco urbano e o idílico entorno natural que ofrece a costa.
En concreto, a casa consta dunha pequena casa con xardín frontal e posterior, ideal para familias e a tan só 5 minutos andando da praia, nun entorno tranquilo ideal para desconectar, relaxarse e gozar de longos paseos contemplando as impresionantes vistas da costa galega. . .
