A Fervenza do Toxa é un espectáculo natural. Un bosque autóctono conduce a esta impresionante fervenza, unha das máis fermosas de Galicia. É un asombroso festival da natureza, un espectáculo de luz, auga e son que dificilmente se esquecerá.
A Fervenza do Toxa está situada en Pazos, no concello de Silleda. Poder admirar esta fervenza é hoxe un auténtico privilexio para quen veña aquí. No século XXI aínda podemos atopar un lugar de extraordinaria beleza, onde vexetación verde, rocha e auga se funden para acadar esta obra mestra da natureza.
O río Toxa ten a honra de caer preto de 30 m en vertical e esculpir a rocha de mil xeitos, todo rodeado dun denso bosque de carballos, castiñeiros, sobreiras e decenas de especies máis.
